Erdi aroa  

Historian Ispaster ez da aitatuko 1334. urterarte, Amoroto, Ispaster, Gardata eta Asumendiko monteroen diezmoak Lekeitioko elizari itzultzeko Alfontso XI.ak emon eban agindu baten. Ispasterrek, elizalde moduan antolatuta, alboko Lekeitio herrialdeagaz auziak sarri eukiko dauz. Hau ezin hobeto kokatu daiteke Bizkaiko lurralde osoan eragina euki eban herrialdeen eta lurralde irekien arteko gatazka orokorrean.

Halanda guztiz be, denboraldi honetan Jaurerriaren bizitza estutu eban gatazka handia, ez zan besterik izan oinaztar eta ganboatarren arteko banderizoen borrokak baino. Iraupen luzeko (bi mendekoa) eta gogortasun handiko gatazka izan zan. Bertan, Ispasterrek oinaztarren alde egin eban, herri mailan, banderizo honen burua, Adan de Yarzaren leinua zalarik, Zubietako jaunak.

Asaldaketen aldi honen bukaerea, Enrike IV.ak 1457. urte inguruan hasi eta Errege Katolikoek 1492. urtean amaitu eben banderizoen aurkako ofentsibak markatu eban.