Historiaurrea 

Populaketaren arrastorik zaharrenak Kobeaga I eta IIko aztarnategietan, Urtiagako (aztertu bakoa), Iperratxeko Jentilkobako (Solarte) eta Otoioko Jentilkoba (Artika) haitzuloetan topau dira. Garrantzitsuenak aitatutako lehenengo biak dira: Kobeaga IIa Ispasterreko populaketaren lehen ebidentzia da. Arrantzale mesolitikoen finkapena da, gitxi gorabehera K. a. 3500. urtean datau daitekez, justu neolitizazinoa hasi aurretik.

Kobeaga Iean hazurrez eginiko apaindurazko objektu eta zeramika hondakin asko topau dira, kanpai formako edalontzien zatiak barne. Noizkoa dan esatea arazo bihurtzen da, seguruenik Brontze-Aroko nekropoli bat dalako.